યમનના મુકલ્લા પોર્ટ શહેર પર સાઉદી અરબે હવાઈ હુમલો કર્યો. સાઉદી અરબનું કહેવું છે કે ત્યાં સંયુક્ત આરબ અમીરાત (UAE)થી અલગાવવાદી જૂથો માટે હથિયારોની ખેપ પહોંચી હતી. જેને રોકવા માટે આ હુમલો કરાયો. આવામાં સવાલ એ ઉઠે છે કે આખરે બે સુન્ની દેશો કેમ પરસ્પર લડી રહ્યા છે અને તે પણ કોઈ ત્રીજા દેશની જમીન પર? ચાલો સમજીઓ સમગ્ર વિવાદને.
સૌથી પહેલા યમન વિશે જાણીએ. યમન અરબ દેશોમાં એક ગરીબ દેશ તરીકે ગણાય છે. જો કે રણનીતિક રીતે તે ખુબ મહત્વનો છે. અહીંથી એક સમુદ્રી રસ્તો પસાર થાય છે જ્યાંથી દુનિયાનો મોટો વેપાર ચાલે છે. આ સાથે જ યમન બે ભાગોમાં વહેચાયેલો છે. રાજધાની સના સહિત ઉત્તર યમનમાં હૂતિઓનો કબજો છે જ્યાં હૂતી એટલા મજબૂત છે કે યમનની સરકારને પણ આ ક્ષેત્રથી અલગ કરી દીધી છે. હૂતી સાઉદી અરબ વિરુદ્ધ છે અને તેને ઈરાનનું સમર્થન મળેલું છે એટલે આ વાત સાઉદી અરબને સૌથી વધુ આંખના કણાની જેમ ખૂંચે છે. આવામાં સાઉદીએ વિચારવાનું છે કે જ યમનની અંદર હૂતી મજબૂત થાય તો ઈરાન તેની સરહદો સુધી પહોંચી જાય. આવામાં 2015માં સાઉદી અરબે યમનમાં એમ કહીને યુદ્ધ શરૂ કર્યું હતું કે અમે અસલી સરકારને પાછી લાવીશું.
