દિલ્હીના ઐતિહાસિક વિરોધ પ્રદર્શન સ્થળ જંતર-મંતર પરથી એક ખુબ જ મોટા અને ચોંકાવનારા સમાચાર સામે આવી રહ્યા છે. જંતર-મંતર શનિવારે બપોરે એક હાઈવોલ્ટેજ રાજકીય ડ્રામાનું કેન્દ્ર બન્યું હતું, જ્યાં કોકરોચ જનતા પાર્ટી એટલે કે CJP ના સ્થાપક અભિજીત દીપકે પર એક અજાણી મહિલાએ શાહી જેવું પ્રવાહી ફેંક્યું છે
મળતી માહિતી મુજબ, આ ઘટના શનિવારે બપોરે ત્યારે બની જ્યારે અભિજીત દીપકે જંતર-મંતર ખાતે ભેગા થયેલા લોકોને સંબોધિત કરી રહ્યા હતા. એ જ સમયે એક મહિલા અચાનક આગળ આવી અને તેમના પર શાહી જેવું પ્રવાહી ફેંકી દીધું. આ ઘટનાને પગલે ત્યાં હાજર લોકો અને કાર્યકરોમાં ભારે નાસભાગ અને હોબાળો મચી ગયો હતો. જો કે, ઘટનાસ્થળે હાજર પોલીસ સોર્સના જણાવ્યા અનુસાર, શાહી ફેંકનાર મહિલાની તાત્કાલિક અટકાયત કરી લેવામાં આવી છે. મહિલાની ઓળખ અને આ હુમલા પાછળનો તેનો અસલી હેતુ શું હતો, તે હજી સુધી સામે આવ્યું નથી અને પોલીસ વધુ પૂછપરછ કરી રહી છે.
મહત્વનું છે કે આ ઘટનાના ગણતરીના કલાકો પહેલા જ જંતર-મંતર પર પોલીસે મોટી કાર્યવાહી કરી હતી. પ્રખ્યાત એક્ટિવિસ્ટ સોનમ વાંગચુકને વિરોધ સ્થળ પરથી હટાવીને હોસ્પિટલ ખસેડવામાં આવ્યા હતા. આ મોટી કાર્યવાહી બાદ વાતાવરણ ગરમાયેલું જ હતું, ત્યાં જ CJP નેતા પર થયેલા આ શાહી હુમલાએ દિલ્હીના રાજકીય તાપમાનમાં વધુ વધારો કરી દીધો છે.
આ મામલે પોલીસ તપાસમાં શું નવો ખુલાસો થાય છે, તેના પર દેશભરની નજર રહેશે. દેશ-વિદેશ અને રાજકારણના આવા જ લાઈવ અપડેટ્સ માટે જોતા રહો આપણું ચેનલ. ધન્યવાદ!
