જેતપુર / નવાગઢ:
રાજકોટ-પોરબંદર નેશનલ હાઇવે પર નવાગઢ ચોકડી નજીક એક અકસ્માત સર્જાતાં ટળ્યો હતો એક કન્ટેનરના ચાલકે અચાનક સ્ટીયરિંગ પરનો કાબૂ ગુમાવી દેતાં કન્ટેનર મુખ્ય માર્ગ વચ્ચે આડું ફરી ગયું હતું.
કન્ટેનર આડું થઈ જવાના કારણે મુખ્ય હાઇવેની સાથે-સાથે સર્વિસ રોડ પણ સંપૂર્ણપણે બ્લોક થઈ ગયો હતો, જેના પગલે થોડા સમય માટે બંને તરફ વાહનોની લાંબી કતારો લાગી ગઈ હતી. સદનસીબે આ ગંભીર અકસ્માતમાં કોઈ જાનહાનિ કે મોટી ઈજાના સમાચાર સામે આવ્યા નથી, જેથી સૌએ રાહતનો શ્વાસ લીધો છે.
ઘટનાની જાણ થતાં જ સ્થાનિક પોલીસ તેમજ હાઇવે પેટ્રોલિંગની ટીમ તાબડતોબ સ્થળ પર પહોંચી ગઈ હતી. ક્રેનની મદદથી કન્ટેનરને રસ્તા પરથી હટાવી બંધ પડેલા સર્વિસ રોડ અને હાઇવે પરનો ટ્રાફિક પૂર્વવત કરવાની કામગીરી હાથ ધરવામાં આવી છે.









