સૌરાષ્ટ્રમાં વરસાદની ખેંચ અને પાણીની અછતના કારણે ખેડૂતો અને સામાન્ય જનતા મુશ્કેલીમાં મુકાઈ છે. ત્યારે જેતપુર તાલુકા અને સમગ્ર સૌરાષ્ટ્રના પડતર પ્રશ્નોને લઈને આમ આદમી પાર્ટી મેદાનમાં આવી છે. જેતપુર શહેર આમ આદમી પાર્ટી દ્વારા મામલતદારને આવેદન પત્ર પાઠવીને સૌરાષ્ટ્રને તાત્કાલિક અસરથી દુષ્કાળગ્રસ્ત જાહેર કરવા અને ખેડૂતો સહિત ગ્રામજનોની વિવિધ સમસ્યાઓનો ત્વરિત નિકાલ લાવવાની માંગ કરવામાં આવી છે.
જેતપુર શહેર ‘આપ’ પ્રમુખ જતીનભાઈ દરજીની આગેવાનીમાં મામલતદાર કચેરી ખાતે આવેદન પત્ર સોંપવામાં આવ્યું હતું. આવેદનમાં રજૂઆત કરવામાં આવી છે કે, વર્તમાન સમયમાં વરસાદની ભારે અછતને પગલે ભૂગર્ભ જળ ઊંડા ગયા છે અને પાક નિષ્ફળ જવાથી સરકાર સમગ્ર સૌરાષ્ટ્રને તાત્કાલિક દુષ્કાળગ્રસ્ત જાહેર કરે, ખેડૂતોને યોગ્ય વળતર આપે, રાહત દરે બિયારણ પૂરું પાડે અને પશુઓ માટે પૂરતા ઘાસચારાની વ્યવસ્થા કરે. જેતપુર તાલુકાના ખેડૂતોનો પાક બચાવવા માટે કેનાલ અને અન્ય સ્ત્રોતો મારફતે નિયમિત સિંચાઈનું પાણી પૂરું પાડવું. ગ્રામ્ય વિસ્તારોને જોડતા ખરાબ અને બિસ્માર રસ્તાઓનું તાત્કાલિક ડામર કે સીસી રોડથી સમારકામ કરવું. ગ્રામ્ય પંથકમાં વધતી ગુનાખોરી અને ચોરીઓ રોકવા તમામ મુખ્ય પ્રવેશદ્વારો અને સંવેદનશીલ સ્થળોએ CCTV કેમેરા લગાવવા. સરકારી પ્રાથમિક અને માધ્યમિક શાળાઓમાં ઘટતા શિક્ષકોની ભરતી કરવી અને અપૂરતા વર્ગખંડો સહિતની ભૌતિક સુવિધાઓ તાત્કાલિક ઉપલબ્ધ કરાવવી. ગ્રામ પંચાયતોમાં સામાન્ય લોકોને આવક, જાતિ કે મહેસૂલી દાખલા કઢાવવામાં થતી બિનજરૂરી હેરાનગતિ બંધ કરવી. રજૂઆતો કરી હતી









