ટીવી સીરિયલ તારક મહેતા કા ઉલ્ટા ચશ્મામાં જેઠાલાલ ચંપકલાલ ગઢાનું પાત્ર નિભાવનાર દિલીપ જોશીનો આજે જન્મદિવસ છે. તારક મહેતા કા ઉલ્ટા ચશ્મા સીરિયલ આજે દરેક ઘરમાં ફેમસ છે. દિલીપ જોશીએ બોલિવુડમાંથી ટીવી સીરિયલમાં ડેબ્યુ કર્યુંછે. દિલીપ જોશીએ 1989માં રિલીઝ થયેલી ફિલ્મ મૈને પ્યાર કિયાથી ડેબ્યુ કર્યું હતુ. આ ફિલ્મમાં તેમણે હાઉસ હેલ્પપરનું પાત્ર નિભાવ્યું હતુ. ખુબ ઓછા લોકો જાણે છે કે, દિલીપ જોશીએ ટ્રાવેલ એજન્સી પણ ચલાવી છે.
જેઠાલાલ ચંપકલાલ ગઢા દિલીપ જોશીએ એક ઈન્ટરવ્યુમાં જણાવ્યું હતુ કે, અભિનેતા બન્યા પહેલા તેઓએ 5 વર્ષ સુધી ટ્રાવેલ એજન્ટનું કામ કર્યું હતુ. જેઠાલાલ ટ્રાવેલ એજન્સીમાં 12 કલાક કામ કરતા હતા પરંતુ તેમાં તેને વધારે પ્રોફિટ મળતું ન હતુ. દિલીપ જોશી ટ્રાવેલ એજન્સીમાં પાર્ટનર હતા.પોતાના કામ વિશે વાત કરતાં તેમણે કહ્યું કે, તેઓ મુંબઈથી અમદાવાદ અને મુંબઈથી ભાવનગર વચ્ચે દોડતી લક્ઝરી બસો ચલાવતા હતા.
